Samfélagsleg ábyrgð er virkur grunnur í rekstri N1

Við erum staðráðin í að gera sífellt betur og vinna stöðugt að framförum, bæði með markvissum  breytingum í rekstrinum og hvetjandi stuðningi úti í samfélaginu.

N1 er til staðar fyrir rafbílaeigendur

Hraðhleðslustöðvum fjölgar nú óðum hringinn í kringum landið. Á N1 í Borgarnesi, Staðarskála, Vík, Kirkjubæjarklaustri, Hvolsvelli, Egilsstöðum og á Blönduósi eru hraðhleðslustöðvar sem auðvelda rafbílaeigendum að komast leiðar sinnar á umhverfisvænan máta.

Framsýni, þolinmæði og hugmyndaauðgi hafa leitt til fjölmargra athyglisverðra verkefna á sviði samfélagsábyrgðar. Að sinna grasrótinni í íþróttastarfinu, rækta tengslin í bæjarfélögum um allt land, huga að umhverfinu með fjölbreyttum hætti - vera í raun alltaf til staðar - eru verðlaun í sjálfu sér.

Stuðningur við íþróttafélög

Við höfum stutt íþróttafélög um allt land í yfir 30 ár með það að markmiði að gefa ungum iðkendum jöfn tækifæri til árangurs.

Loftslagsmarkmið

Kolefnisjöfnum allt flug og notkun á eigin bíla með gróðursetningu trjáa. Undanfarin ár hefur verið unnið markvisst í að draga úr notkun pappírs og einnota íláta.

Gefandi samstarf við KSÍ

N1 er einn aðal styrktaraðili íslenska landsliðsins í knattspyrnu, bæði karla og kvenna. Hæfileikamótun er samstarfsverkefni N1 og KSÍ sem er ætlað yngri iðkendum knattspyrnu af báðum kynjum til að auka áhuga á íþróttinni og einnig til að efla grasrótarstarf í knattspyrnu um land allt.

Við vinnum samkvæmt vottuðum stöðlum

Umhverfismál, öryggismál og jafnrétti kynjanna eru okkur ofarlega í huga. 19 Þjónustustöðvar uppfylla alþjóðlega umhverfisstaðalinn ISO 14001. Hjólbarðaverkstæðin uppfylla staðla Michelin og vöruhúsið vottað í samræmi við staðla Exxon Mobil. N1 hefur líka hlotið vottun VR á jafnlaunastefnu sína.

Viðgerðaraðstaða fyrir hjólreiðafólk

Við erum til staðar fyrir hjólreiðafólk og höfum opnað fimm hjólaveggi til að þjónusta þann ört vaxandi hóp sem kýs hjólreiðar sem samgöngumáta eða íþrótt.

Við flokkum sorpið

Á árinu 2016 var 69% af sorpi frá N1 flokkað. Markmiðið er að 90% af sorpi sem til fellur hjá félaginu verði flokkað árið 2030.

Pokar sem falla í góðan jarðveg

Árið 2015 hóf N1 að skipta úr plastpokum fyrir maíspoka og selur nú eingöngu maíspoka til viðskiptavina þjónustustöðva.