Notendaskilmálar N1 smáforrits
1. Almennt
1.1. Skilmálar þessir og aðrar upplýsingar eru einungis veittar á íslensku.
1.2. Að því leyti sem ákvæði laga um neytendakaup nr. 48/2003 eða laga um þjónustukaup nr.
42/2000 eiga við og eru notanda sem neytanda, sbr. 3. mgr. 1. gr. laga nr. 48/2003, hagstæðari
en ákvæði þessara skilmála skulu þau gilda framar ósamrýmanlegum ákvæðum skilmálanna.
Sé kaupandi ekki neytandi gildir framangreint ekki.
1.3. Kaupendur eru beðnir um að lesa skilmála þessa vandlega áður en gengið er frá pöntun í
forritinu. Hér eru gefnar upplýsingar um viðskiptin, hvernig viðskiptin ganga fyrir sig, um
afhendingu vara og breytingu og önnur mikilvæg atriði.
1.4. Upplýsingum og athugasemdum í tengslum við forritið og pantanir má koma á framfæri með
tölvupósti á n1@n1.is. Notandi getur einnig hringt í síma 440 1000.
1.5. Skilmálar N1 kortsins og aðrir skilmálar N1 eiga jafnframt um viðskipti í forritinu eftir því sem
við á.
1.6. Athygli er vakin á því að sérstakir skilmálar eiga við um suma þjónustu N1, svo sem kerruleigu.
Ganga slíkir skilmálar framar ákvæðum skilmála þessara greini þá á.
2. Um þjónustuveitanda og viðskiptavin
2.1. N1 ehf., kt. 411003-3370 með skrifstofu að Dalvegi 10-14, 201 Kópavogi (hér einnig nefnt „N1“
eða „seljandi“) veitir aðgang að forritinu.
2.2. Um raforkuviðskipti við N1 eða félög í sömu fyrirtækjasamstæðu og N1 gilda sérstakir
söluskilmálar sem notendum forritsins er bent á að kynna sér.
2.3. Notandi eða viðskiptavinur er sá aðili sem stofnar aðgang í forritinu og kaupir vörur eða
þjónustu í gegnum appið og er skráður kaupandi á reikning.
3. Verð og viðskiptakjör
3.1. N1 birtir verð og viðskiptakjör í forritinu með fyrirvara um villur. Fara verð og önnur
viðskiptakjör eftir gjaldskrá N1 eins og hún er á hverjum tíma.
3.2. N1 kann að breyta viðskiptakjörum sínum, afsláttarflokkum, afsláttarkerfum,
verðfyrirkomulagi eða vildarkjörum viðskiptavina. Skal engin slík breyting teljast viðbót við þá
afslætti eða viðskiptakjör sem samið hefur verið um við viðskiptavin.
3.3. Sú þjónusta N1 sem felst í notkun forritsins er gjaldfrjáls. Fari þriðji aðili fram á gjald vegna
þjónustu sem keypt er í gegnum forritið skal N1 heimilt að endurkrefja viðskiptavin um það.
3.4. Til þess að eiga viðskipti í forritinu þarf notandi að skrá upplýsingar um greiðslukort inn á
mínum síðum, í skráningarferli eða notfæra sér staðgreiðslumöguleika N1, sjá síðar.
3.5. Notendur eru ábyrgir fyrir aðgangi sínum að forritinu og skulu gæta þess að aðgangsorð og
aðrar mikilvægar upplýsingar eða vélbúnaður komist ekki í hendur óviðkomandi. N1 ber ekki
ábyrgð á misnotkun forritsins.
4. Vöruval, pöntun og afhending
4.1. Seljandi veitir upplýsingar um vörur eftir bestu vitund hverju sinni. Seljandi birtir allar
upplýsingar með fyrirvara um bilanir, vírusa, prent-, birtingar- og innsláttarvillur í texta,
verðum og myndum. Seljandi áskilur sér rétt til að aflýsa í heild eða að hluta til pöntun
kaupanda ef að varan er uppseld.
4.2. Pöntun er bindandi þegar hún hefur verið skráð á netþjón N1. Er N1 þá skuldbundin til að
afgreiða pöntunina í samræmi við verðlagningu og vöruúrval. Allar pantanir þar sem grunur
um að brögð séu í tafli og/eða þar sem hugbúnaðargalli hefur áhrif eru afturkallaðar. Um rétt
viðskiptavinar til þess að afturkalla pöntun fer eftir reglum laga um neytendakaup. Áskilur N1
sér rétt til skaðabóta leiði afturköllun pöntunar til tjóns fyrir N1.
4.3. Í pöntunarviðskiptum er líklegur afhendingartími tilgreindur af N1. Byggir hann á áætlun á því
hvenær afhending fer fram. Ávallt er mögulegt að pöntun tefjist. Er viðskiptavinur bundinn af
pöntun sinni í slíkum tilvikum enda séu tafir á afgreiðslu ekki óhóflegar.
4.4. Þegar um er að ræða tímapöntun á þjónustu skal N1 upplýsa viðskiptavin eins fljótt og hægt
er ef viðráðanlegar aðstæður leiða til þess að ekki verði hægt að veita pantaða þjónustu á
tilsettum tíma.
5. Persónuvernd
5.1. Seljanda er annt um öryggi persónuupplýsinga kaupanda og fer öll vinnsla persónuupplýsinga
fram í samræmi við lög nr. 90/2018 og persónuverndarstefnu N1 sem er aðgengileg á vef N1
(sjá https://www.n1.is/um-n1/personuverndarstefna/) og í forritinu.
6. Ábyrgð vegna tjóns
6.1. Ábyrgð N1 skal ávallt takmörkuð við þá fjárhæð sem greidd hefur verið til félagsins vegna
notkunar á forritinu. Ber félagið enga ábyrgð á óbeinu tjóni, afleiddu tjóni eða hagnaðarmissi
sem notendur, meðlimir eða aðrir kunna að verða fyrir vegna forritsins.
6.2. N1 ber ekki ábyrgð á tjóni sem leiðir af galla eða bilun í hugbúnaði eða vélbúnaði hvort sem
hann er eign viðskiptavinar eða N1.
6.3. Viðskiptavinur skal halda N1 skaðlausu af hvers konar tjóni, kröfum, aðgerðum, skaða,
ábyrgðum, sektum, refsingum og kostnaði sem N1 kann að verða fyrir vegna eða í tengslum
við viðskiptin eða aðgerðir eða aðgerðarleysi viðskiptavinar, hvort sem það stafar af
vanrækslu, ásetningi eða gáleysi viðskiptavinar, umboðsaðila hans eða fulltrúa í tengslum við
samning aðila eða leiða af broti á samningi aðila. Þessi skaðleysisyfirlýsing skal ekki með
neinum hætti takmarka þau lögbundnu réttindi sem N1 kann að njóta vegna mögulegra
samningsbrota söluaðila.
6.4. Ábyrgð N1 er í öllu falli háð því að viðskiptavinur hafi að öðru leyti efnt skyldur sínar, gætt
varúðarskyldu og hagað afgreiðslu viðskiptanna að öllu leyti í samræmi við fyrirmæli laga,
reglugerða og eftir atvikum samkvæmt reglum eða skilmálum annarra þjónustuaðila.
6.5. Ábyrgð N1 á öllu tapi, kröfum eða tjóni sem stafar af eða frá brotum á samningi aðila,
takmarkast við þá fjárhæð sem N1 fær greidda frá viðskiptavinum á tólf (12) mánaða tímabili
fyrir brotið. Ef takmörkun á tjóni er talin ganga lengra en lög heimila skulu skilmálar þessir
gilda að því marki sem lög leyfa.
6.6. Verði einhver mistök, truflanir eða tafir á þjónustu N1 skal ábyrgð N1 takmarkast við að
lagfæra slík mistök, truflanir eða tafir, svo fljótt sem auðið er. Hafi stórfellt gáleysi af hálfu N1
leitt til tjónsins skal N1 bera ábyrgð á því í samræmi við skilmála þessa.
6.7. N1 er ekki alltaf söluaðili hleðslu til viðskiptavina hleðslustöðva. Söluaðili hleðslu er
stöðvareigandi viðkomandi hleðslustöðvar og ber N1 enga ábyrgð á sölu/afhendingu á hleðslu
til viðskiptavina hleðslustöðva á þeim hleðslustöðvum. N1 ber því ekki ábyrgð á efndum
stöðvareigenda á skyldu um sölu/afhendingu á hleðslu til viðskiptavina. N1 ber þ.a.l. enga
ábyrgð á tjóni sem viðskiptavinir hleðslustöðva kunna að verða fyrir við afhendingu/sölu á
hleðslu til viðskiptavina hleðslustöðva, s.s. vegna bilana í búnaði á hleðslustöð, ójafnvægi
(truflunar) í raforku o.fl., né tjóni sem hleðslustöðvar kunna að verða fyrir við þá afhendingu
og/eða sölu. Þá ber N1 ekki ábyrgð á búnaði á hleðslustöðvum og ábyrgist m.a. ekki að
tengibúnaður sé til staðar á hleðslustöð. Söluverð á hleðslu til viðskiptavina stöðvareigenda
er ákveðið af stöðvareiganda viðkomandi hleðslustöðvar og N1 með öllu óviðkomandi. Um
viðskipti hleðslustöðva gildir sá samningur sem gerður er þeirra á milli.
6.8. Viðskiptavinur skuldbindur sig til þess að fara eftir öllum eðlilegum öryggis- og
umgengnisreglum vegna þeirrar þjónustu sem hann nýtur hjá N1.
7. Yfirlit og reikningar
7.1. Fyrir viðskiptavini sem ekki eru í staðgreiðsluviðskiptum eru yfirlit og reikningar eru sendir út
einu sinni í mánuði nema samið sé um annað og koma upplýsingarnar þar sundurliðaðar á
vöruflokk. Skal N1 heimilt að gefa reikninga einungis út með rafrænum hætti. Þar má sjá hvar
afgreiðsla átti sér stað. Sé ekki samið sérstaklega um greiðslufrest skal gjalddagi vera tveimur
vikum eftir útgáfu reiknings.
7.2. N1 kappkostar að hafa öll yfirlit og upplýsingar í forritinu rétt. Félagið áskilur sér þó rétt til
þess að leiðrétta innsláttar- og prentvillur. Skulu slíkar villur ekki skapa neinn rétt fyrir
notendur.
8. Vanefnd
8.1. Nú greiðir kaupandi ekki fyrir úttektir á gjalddaga og er seljanda þá heimilt að hætta að
þjónusta hann þá þegar. Hætti seljandi að veita þjónustu skal honum ekki skylt að hefja
afgreiðslu á ný nema kaupandi greiði útistandandi skuld eða leggi fram tryggingu fyrir
greiðslunni sem kaupandi metur fullnægjandi. Skal kaupandi greiða hæstu heimilu
dráttarvexti frá gjalddaga til greiðsludags komi til greiðslufalls.
8.2. Skal seljanda heimilt að segja upp öllum viðskiptum við kaupanda komi upp veruleg vanefnd.
Sé ekki bætt úr greiðslufalli telst það alltaf veruleg vanefnd.
8.3. Komi til gjaldþrots, rekstrarstöðvunar, greiðslustöðvunar eða ef hafnar eru
nauðasamningsumleitanir skal N1 heimilt að hætta að þjónusta viðskiptavin og gera honum
þá þegar reikning fyrir öllum óreikningsfærðum vöruúttektum.
9. Force Majeure
9.1. Seljandi getur ekki tryggt að hann geti uppfyllt öll ákvæði þessa skilmála og haldið uppi sömu
þjónustu komi upp óviðráðanleg staða vegna ófyrirséðra orsaka (force majeure), t.d.
viðskiptahamla, flutningsskaða, eldsvoða, óveðurs, farsóttar, verkfalla, náttúruhamfara,
stríðsástands, hryðjuverka, hópslysa eða truflunar á fjarskiptum eða orkuveitum.
10. Framsal
10.1. N1 skal heimilt að fela öðru félagi í sinni eigu eða innan sömu fyrirtækjasamstæðu og
N1 tilheyrir framkvæmd samnings við viðskiptavin enda geti það fullnægt þeim skyldum sem
seljandi tekst á hendur með samningnum með sama hætti. Skal viðskiptavina heimilt að
framselja samninginn til annars félags innan sömu félagasamstæðu að fenginni heimild
seljanda.
11. Breytingar á skilmálum
11.1. N1 áskilur sér rétt til þess að breyta skilmálum þessum eftir því sem efni standa til.
Mun seljandi tilkynna um breytingar og taka þær gildi við tilkynninguna nema annað komi
fram í tilkynningunni.
11.2. Áskilur N1 sér sérstaklega rétt til þess að gera, hvenær sem er og án fyrirvara,
eftirtaldar breytingar á viðskiptakjörum: i) breyta verðum eða þjónustugjöldum, þ.m.t. að
hefja gjaldtöku fyrir þjónustu sem verið hefur gjaldfrjáls ; ii) breyta verðum á einstökum
afgreiðslustöðvum iii) breyta uppbyggingu afsláttarkerfis
12. Lögsaga
12.1. Seljandi leggur áherslu á að leyst sé úr hvers kyns umkvörtunum kaupanda og
hugsanlegum ágreiningsmálum aðila með samkomulagi og á sem einfaldastan og
hagkvæmastan hátt fyrir báða aðila.
12.2. Takist ekki að ljúka ágreiningi með samkomulagi geta aðilar eftir atvikum óskað eftir
áliti kærunefndar vöru- og þjónustukaupa um réttindi sín og skyldur.
12.3. Um skilmála þessa gilda íslensk lög. Komi upp ágreiningur á milli aðila sem ekki verður
jafnaður þá skal heimilt að bera hann undir Héraðsdóm Reykjavíkur.
13. Gildistími
13.1. Skilmálar þessir gilda frá 22.07.2022
Sérstök ákvæði varðandi hleðslustöðvar
Viðskiptavinir samþykkja skilmála þessa um aðgang þeirra að forritinu sem gerir þeim mögulegt að eiga
viðskipti við stöðvareigendur um kaup á hleðslu á bifreiðar. Forritið gerir aðeins möguleg viðskipti við
hleðslustöðvar, sem gert hafa samninga við N1 um þjónustu við sölu/afhendingu á hleðslu. Vakin er
athygli á því að sjálfstæðir skilmálar gilda um sjálf raforkukaupin og notkun hleðslustöðvanna.
N1 hefur samið við tiltekna rekstraraðila/eigenda hleðslustöðva, hér eftir stöðvareigendur, um
þjónustu við sölu/afhendingu þeirra á hleðslu til notenda/eigenda bifreiða er ganga fyrir rafmagni. Í
forritinu er að finna lista yfir þær hleðslustöðvar sem samningar N1 um þjónustu taka til.
Gilda eftirfarandi sérskilmálar fyrir raforkuviðskipti.
Gildir almennur hluti skilmála N1 forritsins aðeins
fyrir staðgreiðsluviðskiptavini eins og leiðir af eðli máls.
I. Skilmálar um viðskipti í gegnum notendaaðgang
1. Gildissvið I. kafla
Skilmálar þessir gilda einungis um þá viðskiptavini sem stofna til samnings um aðgang að
hleðslustöðvum N1. Skráðir meðlimir eru þeir sem gera samning um aðgang að greiðslumiðlum á
vegum N1 ásamt innskráningaraðgang að forritinu. Fyrir raforku greiðist samkvæmt gildandi gjaldskrá
N1. Þegar stöðvareigandi krefst greiðslu fyrir þá hleðslu eða þjónustu sem í boði er á hleðslustöð þarf
notandi að greiða fyrir hana.
II. Skilmálar um viðskipti með staðgreiðslu
1. Gildissvið II. kafla
Þessi hluti skilmálanna gildir einungis fyrir þá notendur sem kjósa að hlaða án samnings og án þess að
gerast meðlimir í viðskiptamannakerfi N1.
2. Gjaldtaka
Þjónusta N1 til viðskiptavina er gjaldfrjáls á meðan stöðvareigendur krefjast ekki greiðslu fyrir þá
hleðslu eða þjónustu sem í boði er á hleðslustöð. Fyrir raforku greiðist samkvæmt gildandi gjaldskrá
N1. Þegar stöðvareigandi krefst greiðslu fyrir þá hleðslu eða þjónustu sem í boði er á hleðslustöð þarf
notandi að greiða fyrir hana. Til þess að staðgreiða þarf að gefa upp kortanúmer og/eða veita aðrar
nauðsynlegar upplýsingar til þess að greiðslu megi inna af hendi í það skipti. Við staðgreiðslu er ekki
gerður viðvarandi samningur við þjónustuveitanda raforkunnar.
3. Viðskiptaskilmálar
Viðskiptaskilmálar N1 eiga við um staðgreiðsluviðskipti hvað varðar persónuvernd og ábyrgð vegna
tjóns nema annað leiði af eðli máls.