Viðtal við verslunarstjóra N1 í Klettagörðum
Í verslunum N1 veitir fagfólk á ýmsum sviðum aðstoð og ráðgjöf til einstaklinga og fyrirtækja í fjölbreyttum rekstri. Vöruvalið er sveigjanlegt og tekur mið af þörfum atvinnulífsins í nágrenni hverrar verslunar.
N1 rekur sjö verslanir um land allt þar sem fagfólk á ýmsum sviðum veitir aðstoð og ráðgjöf til fyrirtækja og einstaklinga. Helstu vöruflokkarnir sem verslanirnar selja eru m.a. smurolíur, vinnufatnaður, gas, rafgeymar, perur, þurrkublöð og útgerðarvörur ásamt mörgum öðrum vörum segir Sylvía Þórarinsdóttir, verslunarstjóri N1 í Klettagörðum 13 í Reykjavík. „Einnig má nefna að við bjóðum mikið úrval af efnavörum, pappír, hreinlætisvörum og rekstrarvörum fyrir verktaka, sjávarútveg, verkstæði, bændur, iðnað og einstaklinga. Í verslunum N1 er auk þess hægt að sérpanta ýmsar vörur sem N1 býður upp á.“
Sveigjanlegt vöruúrval
Verslanir N1, sem eru staðsettar hringinn í kringum landið, búa yfir dreifineti sem er með því besta sem gerist á landinu segir Sylvía. „Klettagarðar er þeirra stærst og um leið eina verslunin á höfuðborgarsvæðinu. Vöruval verslana N1 er sveigjanlegt og misjafnt eftir stærð verslunar. Við leggjum áherslu á að vöruframboðið taki mið af þörfum atvinnulífsins í nágrenni hverrar verslunar fyrir sig og í Klettagörðum erum við með alla vöruflokka.“
Verslanir N1 á landsbyggðinni eru staðsettar á Akureyri, Reyðarfirði, Reykjanesbæ, Patreksfirði, Ólafsvík og Vestmannaeyjum. Flestar verslanirnar eru opnar alla virka daga, frá kl. 8 til 17. Einnig eru litlar verslunareiningar á þjónustustöðvum N1 á Blönduósi, Húsavík og á Höfn.
Föstudagskaffi í Klettagörðum
N1 þjónustar breiðan hóp viðskiptavina, einstaklinga og fyrirtæki, t.d. verktaka, bændur, verkstæði, iðnað og fyrirtæki í sjávarútvegi,“ útskýrir Sylvía. „Við viljum stöðugt bæta þjónustuna okkar og ná til fleiri viðskiptavina og þá sérstaklega til smærri verktaka og einstaklinga. Við hvetjum fólk til þess að koma við hjá okkur og kynna sér þjónustuna en fyrir tveim árum byrjuðum við á því að bjóða upp á meðlæti með kaffinu á föstudögum. Við ætlum svo sannarlega að halda því áfram þar sem að það hefur tekist einstaklega vel og er alltaf gaman að sjá hvað margir hafa gert það að föstum lið að kíkja við á föstudögum. Gestum gefst þá gott tækifæri til þess að eiga við okkur spjall og kynna sér hvað við höfum upp á að bjóða.“
Traust vörumerki
Í þeim fjölda vöruflokka sem N1 býður upp á eru traust vörumerki í boði. „Í fatnaði, skóm og öryggisvörum má nefna Dimex, Fristads, Uvex, Jalas, Ejendals, Dunlop, Cofra og Kwear. Í olíum og efnavöru erum við með frábær merki eins og Mobil, Q8 og Comma en það getur margborgað sig að velja réttu efnin. Einnig erum við með pappír, box og hreinlætisvörur frá Tork,“ segir Sylvía.
Merking samdægurs
Vöruhús N1 er við hlið verslunarinnar í Klettagörðum og þaðan er dreifikerfi vara á alla aðra sölustaði. „Í Klettagörðum erum við einnig með merkingadeild þar sem hægt er að fá allan vinnufatnað merktan. Sérstaða okkar hefur verið snör merkingaþjónusta. Viðskiptavinur getur fundið fatnað í verslun okkar sem hentar starfsemi hans og fengið hann merktan meðan hann bíður. Þjónustustaðir okkar úti á landi, til dæmis Akureyri, geta afhent merktan fatnað daginn eftir að hann er pantaður. Einnig erum við með litla saumastofu þar sem að við sinnum minniháttar viðgerðum á fatnaði. Það má því sannarlega segja að ýmislegt sé í boði hér hjá N1 og hvetjum við sem flesta til að kíkja í heimsókn og skoða úrvalið,“ segir Sylvía að lokum.