31. maí 2025
Vegabréfsleikur N1 hafinn – stórglæsilegir vinningar í boði
Vegabréfaleikurinn er hafinn á ný en N1 hefur haldið sumarleiki allt frá árinu 1993 og fagnar því 32 ára hefð í ár. Leikurinn hefur vaxið og þróast með árunum og er nú orðinn ómissandi hluti af sumrinu hjá fjölmörgum landsmönnum.
Í ár eru vinningarnir sérstaklega glæsilegir: yfir 600 glaðningar á stöðvum um allt land og veglegur aðalvinningur sem dreginn verður úr fullkláruðum vegabréfum í lok sumars. Vegabréfið fæst á öllum N1 stöðvum og þátttaka fer af stað með hverjum kaupum.
Sumarið er rétt að byrja og N1 hvetur alla til að grípa vegabréfið, safna stimplum og taka þátt í þessari skemmtilegu hefð sem hefur glatt þjóðina í þrjá áratugi.
