Ný N1 stöð rís á Akranesi
N1 hefur hafið afgreiðslu eldsneytis á nýrri þjónustustöð við Elínarveg á Akranesi, rétt við Hausthúsatorg. Þar geta ökumenn nú dælt 95 oktana bensíni, dísel, bæði lituðu og ólituðu, auk AdBlue og rúðuvökva á dælu.
Þetta markar fyrsta áfangann í uppbyggingu nýrrar og glæsilegrar þjónustumiðstöðvar N1 á Akranesi. Öflugar hraðhleðslustöðvar verða settar upp á nýju ári, og hefur verið sérstaklega hugað að góðu aðgengi fyrir stærri bíla, trukka og vinnuvélar.
Framkvæmdir á svæðinu halda áfram næstu misserin, en í næsta áfanga verður reist þjónustuhús með verslun, dekkjaverkstæði, bílaþvottastöð og gasafgreiðslu. Stefnt er að fullri opnun stöðvarinnar veturinn 2026/2027.
Til að fagna þessum fyrsta áfanga verður sérstakt kynningarverð á seldum lítrum dagana 13.-16. nóvember og hvetur N1 íbúa og vegfarendur til að líta við og taka þátt í að prufukeyra nýju stöðina.