Jólapylsan er mætt
Ísland á sér óteljandi jólahefðir, en það er alltaf sérstök stemning þegar nýjar hefðir fæðast og hvað þá jafn óvænt og á þjónustustöðvum N1. Þann 20. nóvember stígur N1 formlega inn í hátíðartímann með nýjustu og djörfustu jólanýjung sinni: hamborgarhryggspylsu sem fangar bragðið af íslenskum jólum án þess að vera þung eða yfirhlaðin.
Pylsan er fáanleg stök á 790 kr., en þau sem vilja fulla stemningu geta fengið hana á 990 kr. með lítilli dós af Egils jólaöli.
Jólin á ferðinni og nú í pylsubrauði
Jólapylsan sameinar klassísk hráefni sem vel flest heimili þekkja: rauðkál, brúna sósu, kartöflusalat, súrsaðan rauðlauk og laufabrauðsmulning. Ásamt pylsu sem SS þróaði sérstaklega fyrir N1.
„Okkur langaði að skapa eitthvað sem fólk þekkir, en upplifir á nýjan hátt,“ segir Steinunn Björk, veitingastjóri N1. „SS tók hugmyndina strax upp og vann með okkur að fullkominni samsetningu. Það er virkilega gaman að sjá þetta verða að veruleika.“
Jólapylsan verður í boði á flestum N1 verslunum á meðan birgðir endast, en um takmarkað upplag er að ræða. Akranes, Húsavík, Reykjavíkurvegur, Flugvellir og Gagnvegur eru ekki með í ár.