Starfsemi N1 lýtur ýmsum opinberum reglugerðum og er að mestu leyti starfsleyfisskyld. Starfsleyfi eru gefin út vegna tiltekins útsölustaðar eða athafnasvæðis í samræmi við lög og reglugerðir sem um starfsemina gilda af hálfu heilbrigðiseftirlits viðkomandi sveitarfélags. Starfsleyfi hanga uppi á viðkomandi útsölustað sýnileg viðskiptavinum. Hér má sjá þær reglugerðir sem eiga sérstaklega við þá tegund rekstrar sem N1 stundar en þær varða eldsneyti, eiturefni og hættuleg efni, spilliefni, innflutning og vöruhús.
Það er öllum aðgengilegt að koma ábendingum til fyrirtækisins í gegnum heimasíðu N1 www.n1.is. Utanaðkomandi kvartanir eru skráðar í sérstakan gagnagrunn sem haldið er utan um og leyst úr hjá ábyrgðaraðila. Á hverju ári eru úttektir á starfsleyfisskyldri starfsemi N1 hjá heilbrigðiseftirliti viðkomandi sveitarfélags, úr þeim er unnið í samráði við viðkomandi heilbrigðiseftirlit.
Félaginu barst ein athugasemd frá Umhverfisstofnun um vanmerkta efnavöru vegna vöru í sölu hjá N1. Úr þeirri ábendingu hefur verið unnið og staðfesting um úrlausn fengist frá Umhverfisstofnun.