Margrét Guðmundsdóttir

Stjórnarformaður

Margrét Guðmundsdóttir er fædd 1954 og starfar sem forstjóri Icepharma hf. Hún hóf störf hjá Austurbakka hf. 2005 en fyrirtækið sameinaðist Icepharma og Ísmed 2006 undir nafni Icepharma hf. Áður starfaði hún sem framkvæmdastjóri hjá Skeljungi 1995-2005, framkvæmdastjóri hjá Kuwait Petroleum (Danmark) A/S 1986-1995 og skrifstofustjóri hjá Dansk ESSO síðar Statoil 1982-1986. Hún var aðstoðarframkvæmdastjóri AIESEC International í Brussel 1978-1979. Margrét er formaður European Surgical Trade Association, situr í stjórn Icepharma hf., Delfí ehf., Lyng ehf. og Paradísar ehf. Hún var formaður Félags atvinnurekenda 2009-2013, sat í stjórn Reiknistofu bankanna 2010-2011 og stjórn SPRON 2008-2009. Margrét hefur einnig setið í stjórn eftirtaldra fyrirtækja: Skýrr hf., Frigg hf., Q8 A/S í Danmörku og Dansk Institut for Personalerådgivning. Hún er með stúdentspróf frá Verzlunarskóla Íslands, Cand. oecon. gráðu í viðskiptafræði frá Háskóla Íslands, Cand. merc. próf frá Copenhagen Business School og Executive menntun frá CEDEP/Insead í Frakklandi. Margrét hóf stjórnarstörf hjá N1 2011 og hefur verið formaður frá 2012.

Þór Hauksson

Varaformaður

Þór Haukson er fæddur 1972 og starfar hjá Framtakssjóði Íslands með áherslu á rekstur, stjórnun og fjárfestingar. Hann var áður starfsmaður í fjármálaráðuneytinu, hjá Kaupþingi, Straumi fjárfestingarbanka og Skiptum hf. Þór hefur starfað á fyrirtækja- og fjármálamarkaði í 14 ár auk 2 ára í opinberri stjórnsýslu. Hann er stjórnarformaður Vodafone og situr einnig í stjórn Advania hf. Hann hefur sl. sex ár setið í stjórnum Icelandic Group hf., Teymis hf., Eignarhaldsfélagsins Vestia hf., Húsasmiðjunnar hf., Skógarholts ehf. og Holtavegs 10 ehf. Hann er með MBA gráðu frá Háskólanum í Reykjavík, MA gráðu í stjórnmála- og hagfræði frá University of Hull og BA gráðu frá Háskóla Íslands. Þór hóf stjórnarstörf hjá N1 2012.

Helgi Magnússon

Helgi Magnússon er fæddur 1949 og starfar sem framkvæmdastjóri Eignarhaldsfélags Hörpu ehf. Hann var áður framkvæmdastjóri Málningarverksmiðjunnar Hörpu og Hörpu-Sjafnar. Hann var ritstjóri Frjálsrar verslunar og rak eigin endurskoðunarfyrirtæki. Helgi er stjórnarformaður Lífeyrissjóðs verslunarmanna og stjórnarmaður í stjórn og framkvæmdastjórn Samtaka atvinnulífsins. Hann er stjórnarformaður Bláa lónsins hf. og Húsasmiðjunnar og á sæti í stjórn Marels hf. Hann var formaður Samtaka iðnaðarins 2006 - 2012, átti sæti í stjórn Íslandsbanka hf. 1997 - 2005 og hefur m.a. setið í eftirtöldum stjórnum: Verslunarráð Íslands, Stúdentaráð, Knattspyrnudeild Vals, Valsmenn hf., Harpa hf., Harpa-Sjöfn hf., Flügger ehf., Íslenskur markaður hf., Skipasmíðastöð Njarðvíkur hf., Þróunarfélag Íslands hf., Lífeyrissjóðurinn Framsýn, Íslenski lífeyrissjóðurinn, Landssamtök lífeyrissjóða og Átak til atvinnusköpunar. Helgi er með stúdentspróf frá Verzlunarskóla Íslands, Cand. oecon. gráðu í viðskiptafræði frá Háskóla Íslands og löggiltur endurskoðandi. Helgi hóf stjórnarstörf hjá N1 2012.

Hreinn Jakobsson

Hreinn er fæddur 1960 og starfar sem framkvæmdastjóri Fjárstreymis ehf. Hann var starfandi stjórnarformaður í Sirius IT Holding A/S í Danmörku, ásamt dótturfélögum Sirius IT A/S í Danmörku, Sirius IT AB í Svíþjóð og Sirius IT AS í Noregi 2007-2010. Hreinn var framkvæmdastjóri Anza hf. 2006-2007, forstjóri Skýrr hf. frá 1997-2006 og framkvæmdastjóri Þróunarfélags Íslands 1993-1997. Hann hefur einnig starfað hjá Iðnlánasjóði og Iðnaðarbanka Íslands. Hreinn hefur setið í stjórn Reiknistofu bankanna hf. frá 2011 og sinnt starfi stjórnarformanns frá 2012. Hann var stjórnarformaður Opinna kerfa hf. 1992-1997 og Vaka - fiskeldiskerfa hf. 1991-1997. Hreinn hefur einnig setið í eftirtöldum stjórnum: Marel hf., Lína.net hf., Bakkavör hf. og Samtökum iðnaðarins. Hreinn er með stúdentspróf frá Verzlunarskóla Íslands, Cand. oecon. gráðu í viðskiptafræði frá Háskóla Íslands og með MVC gráðu frá EVCA í Brussel. Hreinn hóf stjórnarstörf hjá N1 2011.

Kristín Guðmundsdóttir

Kristín er fædd 1953 og starfar sem framkvæmdastjóri KG slf. Árið 2011 gegndi hún starfi forstjóra Skipta hf. en þar á undan var Kristín fjármálastjóri Símans hf. og Skipta hf. 2003 – 2010 og fjármálastjóri Granda hf. 1994 - 2002. Kristín starfaði einnig til fjölda ára sem forstöðumaður hjá Íslandsbanka og Iðnaðarbanka Íslands. Hún er núverandi stjórnarformaður Sparisjóðs Vestmannaeyja og sat í stjórn Mílu ehf. 2007-2011 en þar sinnti hún starfi stjórnarformanns árið 2011. Kristín sat í stjórn Símans hf. 2007-2011 og var stjórnarformaður árið 2011. Hún hefur m.a. setið í stjórnum eftirfarandi fyrirtækja: Skjá miðlar ehf., Fasteignafélagið Jörfi ehf., Sjóminjasafnið, Farsímagreiðslur ehf., Straumur hf., Verslunarráð Íslands, Verðbréfa skráningar Íslands hf. og Lífeyrissjóðs verkstjóra. Kristín er með stúdentspróf frá Verzlunarskóla Íslands og Cand. oecon. gráðu í viðskiptafræði frá Háskóla Íslands. Kristín hóf stjórnarstörf hjá N1 2011.

Varamenn í stjórn

• Jóhann Hjartarson
• Kristinn Pálmason