Þann 14. maí 2013 var undirritaður samstarfssamningur á milli N1 og Ungmennafélagsins Aftureldingar. Samningurinn er til þriggja ára og inniheldur umfangsmikið samstarf beggja aðila.

Á næstu þremur árum munu Íþróttamannvirkin að Varmá ganga undir nafni N1, þ.e. N1 völlurinn og N1 höllin. N1 leggur metnað sinn í að styrkja íþrótta – og æskulýðsstarf félagsins.

Á myndinni eru  Ívar Ragnarsson fyrir hönd N1 og Guðjón Helgason formaður UMFA , við þjónustustöð N1 í Mosfellsbæ, að undirrita samninginn. N1 óskar Aftureldingu góðs gengis með von um að samstarfið verði báðum aðilum til heilla.

Einnig eru á myndinni: Arnór Snær Guðmundsson frá mfl KK og Sigríður Þóra Birgisdóttir frá mfl kvk.
Krakkarnir eru úr fjórða flokki í handbolta.

N1  hefur selt Lárusi Blöndal Sigurðssyni og meðfjárfestum allan rekstur Bílanaust.

Lárus Blöndal Sigurðsson og meðfjárfestar hafa skrifað undir samning um kaup á rekstri Bílanausts, kaupverð er trúnaðarmál.
Bílanaust er leiðandi fyrirtæki á innanlandsmarkaði á sviði varahluta og bílatengdra vara. Bílanaust býr yfir landsins mesta úrvali varahluta og rekur stærstu bílavöruverslun landsins ásamt því að bjóða upp á vörulínur sem henta iðnfyrirtækjum vel. Fyrirtækið byggir á traustum grunni sem rekja má aftur til ársins 1962 þegar Matthías Helgason stofnaði Bílanaust.

Bílanaust rekur sjö verslanir. Stærsta verslunin er á Bíldshöfða 9 í Reykjavík en einnig eru verslanir í Kópavogi, Hafnarfirði, Keflavík, á Selfossi, Akureyri og Egilsstöðum.
Jafnframt rekur fyrirtækið öfluga söludeild og fyrirtækjaþjónustu með reynslumiklum sölumönnum og vörumerkjastjórum.
Bílanaust kappkostar að bjóða vörur frá leiðandi birgjum á samkeppnishæfu verði. Sem dæmi um þekkt vörumerki sem Bílanaust dreifir eru Bosch, Varta, Glasurit, Nipparts, ABS, Comma, Hella, NGK, Förch, FRAM, Osram, Turtle Wax og Mothers.

Fyrirtækjaráðgjöf MP Banka var ráðgjafi N1 við söluna. 

Eggert Benedikt Guðmundsson:
„Bílanaust er rótgróið fyrirtæki sem N1 hefur verið stolt af, en sala þess er liður í því að skerpa á kjarnastarfsemi N1. Við vonumst til að eiga áfram gott samstarf við Bílanaust á næstu árum.“

Lárus Blöndal Sigurðsson:
„Við sjáum mikil tækifæri í Bílanausti og höfum mikla trú á framtíð þess.  Mikil reynsla og sérfræðiþekking starfsfólks, gæði og gott verð, hafa verið einkennisstef Bílanausts.  Stefnan er að halda áfram á sömu braut og munum við leggja áherslu á að veita viðskiptamönnum okkar, bestu þjónustu sem völ er á.“

Kaupin eru gerð með fyrirvara um samþykki Samkeppniseftirlitsins.
Nánari upplýsingar veita Eggert Benedikt Guðmundsson, forstjóri, (ebg@n1.is) og Eggert Þór Kristófersson, framkvæmdastjóri fjármálasviðs, (eggert@n1.is).

Eftirtaldir gefa kost á sér til stjórnar N1 hf. vegna aðalfundar sem haldinn verður þriðjudaginn 7. maí 2013 kl. 15:00, í höfuðstöðvum N1 að Dalvegi 10-14, 201 Kópavogi.

 Aðalmenn

1. Helgi Magnússon kt. 140149-4119
   
2. Hreinn Jakobsson kt. 150460-3529
   
3. Kristín Guðmundsdóttir kt. 270853-7149
   
4. Margrét Guðmundsdóttir kt. 160154-2419
   
5. Þór Hauksson kt. 190372-5299

Varamenn

1. Kristinn Pálmason kt. 080480-5559
2. Marta Eiríksdóttir kt. 251257-5159

Samkvæmt samþykktum félagsins eru fimm í stjórn og tveir í varastjórn og er því sjálfkjörið.