Umhverfisstjórnunarstaðallinn ISO 14001 nær yfir stefnumótun, markmiðasetningu, framkvæmd og eftirlit þeirra umhverfisþátta sem fyrirtæki geta stýrt eða haft áhrif á.

ISO 14001 er einn útbreiddasti staðallinn á þessu sviði og er gefinn út af Alþjóðlegu staðlasamtökunum (ISO)

Í staðlinum er meðal annars gerð krafa um að til séu virkar verklagsreglur, að skráningar og vistun upplýsinga sé fullnægjandi. Að öðrum kosti er ekki hægt að sýna fram á að fyrirtækið uppfylli allar kröfur staðalsins.
Fyrirtæki vítt og breitt um heiminn hafa tileinkað sér ISO 14001 staðalinn og sett sér meðal annars markmið um úrbætur í umhverfismálum, hvernig þau ætla að ná þeim innan ákveðins tímaramma.

Sex starfsstöðvar N1 hafa hlotið vottun samkvæmt alþjóðlega umhverfisstaðlinum ISO 14001:2004 frá Vottun hf. Þessar stöðvar eru; þjónustustöð og verkstæði Bíldshöfða 2, þjónustustöð Fossvogi, þjónustustöð Hringbraut, þjónustustöð Borgartúni og þjónustustöð Háholti í Mosfellsbæ.
Fimm þjónustustöðvar til viðbótar eru að hefja innleiðingarferli umhverfisstjórnunarstaðalsins.