N1 setur fjölvirk bætiefni í allt bílaeldsneyti án viðbótarkostnaðar fyrir viðskiptavini

Betra eldsneyti í leiðinni

N1 setur sérstök bætiefni í allt bensín og díselolíu sem auka aflið, hreinsa vélar, draga úr mengun og minnka eyðslu

N1 leggur metnað sinn í það að hafa ávallt bestu fáanlegar eldsneytistegundir hverju sinni til sölu
Díselolían og bensínið á N1 eru valin sérstaklega fyrir það hitastig sem er á Íslandi. Þetta þýðir, að á hverjum árstíma geta viðskiptavinir treyst því að það eldsneyti sem þeir kaupa standist kröfur um íslenskt veðurfar.

Sem dæmi má nefna að díselolían þolir vel allt að 24 gráðu frost að vetrarlagi. Hvað bílabensín og umhverfishitastig varðar, þá geta viðskiptavinir t.d. treyst því að á sumrin er ekki hætta á að gufulásar (vapour lock) myndist í bensínkerfi og valdi gangtruflunum í heitum vélum.

Unnið er eftir fyllstu gæðakröfum um meðferð eldsneytis, frá upphafi til enda. Það tryggir að viðskiptavinir N1 fá bestu mögulegu eldsneytisgæði hvar á landinu og hvenær sem er.

„Þessi fjölvirku bætiefni skipta miklu máli í bílaeldsneyti bæði fyrir venjulega fólksbíla og stórnotendur. Efnin halda vélunum hreinum, auka aflið og lækka eldsneytiskostnaðinn því eyðslan minnkar svo um munar. Svo stuðla bætiefnin líka að minni mengun!“
Herbert Herbertsson, eldsneytisráðgjafi N1