N1 hefur markað sér ákveðna stefnu í fræðslumálum starfsmanna og er mikil áhersla lögð á sí- og endurmenntun

Fræðslustefna N1 hefur það meginmarkmið að stuðla að því að starfsmenn fái nauðsynlega starfsþjálfun og fræðslu. Með þjálfun og fræðslu auka þeir hæfni sína, færni og þekkingu og stuðla þannig að bættri frammistöðu og árangri. Einnig auka þeir samkeppnishæfni félagsins.

Fræðsla starfsmanna

Hjá N1 skólanum er fræðsluþörf allra starfsmanna metin árlega m.a. með gerð þarfagreininga og í starfsmannasamtölum og hún kortlögð með tilliti til heildarmarkmiða N1. Þjálfun og fræðsla tekur mið af stefnu fyrirtækisins og þannig tryggt að hún sé eins markviss og kostur er. Skoðað er hverskonar menntunar/þjálfunar er þörf, t.d. þegar nýjungar í starfsumhverfi koma til sögunnar, og er viðkomandi starfsmönnum þá boðið að sækja námskeið í þeim efnum. Starfsmenn eiga þess einnig kost að sækja námskeið sem miða að því að bæta persónulega færni þeirra í starfi og einkalífi.

Fræðslufundir

N1 skólinn heldur reglulega fræðslufundi yfir vetrartímann. Markmið fundanna er að miðla upplýsingum og fróðleik til starfsmanna, bæði til gagns og gamans.

Námsskrá

N1 skólinn gefur út námsskrá í upphafi haust- og vorannar. Þar má finna þau námskeið sem skólinn býður upp á. Lögð er áhersla á að hafa námskeiðin sem fjölbreytilegust svo flestir getið fundið eitthvað við sitt hæfi. Öllum starfsmönnum N1 er heimil þátttaka en þó er um takmarkaðan fjölda að ræða fyrir hvert námskeið. Í samráði við yfirmann er starfsmönnum heimilt að sækja önnur námskeið utan N1 skólans.