Fréttir
Frumkvöðlar framtíðarinnar
Yfir 400 manns komu saman í Borgarleikhúsinu í morgun og hlýddu á einstaklega skemmtilega fyrirlesara.
Hermann Guðmundsson, forstjóri N1, reið á vaðið og talaði meðal annars um framtíð Íslands. Á eftir honum steig á svið Hollendingurinn Salem Samhoud. Hann hefur getið sér gott orð fyrir verklagsaðferð sem hann kallar Vision21.
Jeff Taylor fjallaði á sinn einstaka hátt um sköpunarkraft einstaklinga og getu til að móta sína eigin framtíð. Fundinum sleit hugmyndaráðuneytismaðurinn og frumkvöðullinn, Guðjón Már Guðjónsson.
Mikil stemming var á fundinum og tóku frumkvöðlar framtíðarinnar virkan þátt.
Innan tíðar gefst öllum kostur á að hlýða á ráðstefnuna í heild sinni á www.n1.is/start
