Fréttir
N1 bakhjarl Skíðasambands Íslands
Eftirtaldar stúlkur eru í kvennalandsliði SKÍ, Halla Sif Guðmundsdóttir SKA, Katrín Kristjánsdóttir SKA, María Guðmundsdóttir SKA, Iris Guðmundsdóttir SKA og Tinna Dagbjartsdóttir SKA.
Skíðasamband Íslands og N1 hafa gert með sér styrktarsamning sem felur í sér að N1 verður bakhjarl kvennaliðs SKÍ.
Í því fest að N1 mun styðja SKÍ í byggja upp öflugt kvennalið til framtíðar. Fimm stúlkur hafa nú verið valdar í A-lið SKÍ sem hefur það markmið að ná lágmörkum fyrir Ólympíuleikana sem fram fara í Vancouver í Kanada ÁRIÐ 2010. Til að öðlast þátttökurétt þar þarf viðkomandi skíðamaður að vera undir 500 á heimslista í þeirri grein sem hann ætlar að taka þátt í. Að mati SKÍ eru 4-5 stúlkur sem eiga raunverulega möguleika á að ná lágmörkum fyrir ÓL 2010 og vill sambandið með stuðningi N1 gera stúlkunum kleift að ná því takmarki. Að auki verður fleiri stúlkum boðið að taka þátt í völdum verkefnum með það að markmiði að byggja upp hóp til framtíðar sérstaklega með Ólympíuleikana 2014 í huga.
SKÍ hefur um árabil átt öflugt karlalið en hjá stúlkunum hefur hópurinn verið þynnri. Með þessum stuðningi N1 er okkur hinsvegar gert kleift að leggja sérstaka áherslu á eflingu kvennaliðsins. Allar stúlkurnar í A-liðinu eru við æfingar og í skóla í Noregi og hafa þær þjálfara í skólum sínum þar. SKÍ mun hinsvegar hafa verkefnastjóra sem halda mun utan um hópinn og þau verkefni sem fyrirhuguð eru á vegum SKÍ. Helstu verkefni vetrarins eru HM sem fram fer í Frakklandi í febrúar. HM unglinga í Þýskalandi í febrúar og Ólympíuhátið Evrópuæskunnar sem fram fer í Póllandi í janúar. SKÍ mun senda þátttakendur í öll þessi verkefni.
Langtímamarkmið SKÍ er hinsvegar að byggja upp til framtíðar m.a. með Ólympíuleikana í Rússlandi 2014. Stuðningur styrktaraðila er lykilatriði í þessari uppbyggingu. Eins og gefur að skilja er stuðningur styrktaraðila lykilatriði í þessari uppbyggingu. Í núverandi efnahagsástandi er því sérstaklega ánægjulegt að félag eins og N1 sýni í verki stuðning sinn við SKÍ.
