Fréttir
Slökkvilið höfuðborgarsvæðisins tekur Kawasaki hjól í notkun
Slökkvilið höfuðborgarsvæðisins festi kaup á tveimur öflugum Kawasaki vélhjólum frá Nítró. Við erum ánægð með að SHS hafi valið Kawasaki hjól frá Nítró. Til að styrkja gott málefni var ákveðið að SHS fengi hjólin sérstökum kjörum. Hjólin munu nýtast sem undanfarar og fyrsta aðstoð á vettvangi slysa og eldsvoða þar sem stærri tæki eiga erfiðara um vik, þar sem mannmergð er eða þung umferð.
Hjólin eru sérstaklega búin til þess að slökkviliðs- og sjúkraflutningamenn geti veitt fyrstu aðstoð á vettvangi. Á þeim er allur búnaður til forgangsaksturs og búnaður til endurlífgunar, svo sem súrefni, hjartastuðtæki, sáraumbúnaður, tæki til að setja upp vökva og fleira. Einnig er á þeim sex kílóa léttvatnstæki.
S
HS hefur ítrekað lent í aðstæðum þar sem slökkvi- og sjúkrabílar eiga erfitt með að komast leiðar sinnar vegna mannmergðar eða umferðarþunga á höfuðborgarsvæðinu og í nágrenni þess. Vélhjólin verða staðsett í slökkvistöðinni í Skógarhlíð í Reykjavík og verða tiltæk allan sólarhringinn.
