Fréttir
N1 styrkir hjálparstarf á Haítí
Hvunndagshetjurnar Arnar Már Friðriksson og Birgir Sævarsson stóðu fyrir stórtónleikum til styrktar hjálparstarfi á Haítí miðvikudagskvöldið 20. janúar síðastliðið á Nasa. Fjölmargir landsþekktir tónlistarmenn komu fram og gáfu vinnu sína sem framlag til hjálpar þessu þarfa málefni. Tónleikarnir voru mjög vel sóttir og alls söfnuðust 415.000 krónur sem runnu óskertar til Rauða Kross Íslands.
Félagarnir skoruðu í framhaldinu á N1 að leggja hjálparstarfinu lið og ætlar N1 að styrkja verkefnið um 100.000 krónur. Fulltrúi markaðsdeildar hitti þá félaga í dag og greindi þeim frá glaðningum, sem þeir voru að vonum ánægðir með.
Það er eftirtektarvert þegar ungir menn eins og þeir Arnar og Birgir finna hjá sér þörf og skyldu til að standa upp og láta gott af sér leiða til hjálpar íbúum Haítí sem eiga allflestir um sárt að binda. Þeim fannst það hreinlega skylda sín sem hluti af mannkyninu að koma til hjálpar með einhverjum hætti.
Þeir sem óska eftir að leggja verkefninu persónulega lið er bent á Rauða Kross Íslands.
