Endurocross í Reiðhöllinni - í fyrsta skipti á Íslandi

Nítró og Vélhjólaíþróttaklúbburinn bjóða til sannkallaðar mótorsportveislu laugardaginn 5. desember í Reiðhöllinni í Víðidal. Þetta er fyrsta skipti á Íslandi sem keppt verður innanhúss í Endurocrossi. Fyrirkomulagið verður þannig að hver hindrun er mikil áskorun!

Skemmtun fyrir áhorfendur og pressa á keppendur
Nokkrir velkunnugir reynsluboltar í sportinu hafa lagt saman krafta sína í smíðum og hönnun á braut sem getur flokkast undir fjölbreytta eðalblöndu af enduro, trial og mótorcrossi. Keppendur geta því átt von á alls kyns spennandi hindrunum; jafnvel staurabreiðum, stórgrýti, hleðslusteinahrúgum, risadekkjum, kubbagryfjum, vatnstjörn og mörgu fleira.

Forráðamanna Reiðhallarinnar bjartsýnir
Keppnir af þessu tagi njóta mikilla vinsælda í Evrópu og Bandaríkjunum. Veðrið spillir oft fyrir keppnishaldi hér á landi og því hafa ekki skapast tækifæri áður til halda keppni af þessu tagi á Íslandi. Forráðamenn Reiðhallarinnar og aðstandendur keppninnar eru mjög bjartsýnir á keppnin heppnist vel enda samstarfið frábært.

Bestu torfæruhjólaökumenn landsins mæta
Allir bestu torfæruhjólaökumenn landsins munu mæta til keppni hungraðir að ná titli í þessari fyrstu keppni en áform erum að halda þrjár slíkar keppnir í vetur ef vel tekst til með þá fyrstu. Keppt verður í riðlum og kemst sigurvegari hvers þeirra áfram í lokariðillinn þar sem allt verður lagt undir. Búast má við harðri keppni og mikilli skemmtun enda verða áhorfendur mjög nálægt brautinni og hjólunum og ættu því nánast að finna fyrir átökunum á eigin skinni.

Glæsileg verðlaun
Sigurvegara keppninnar vera verðlaunaðir með glæsilegum verðlaunum bæði í formi peninga og góðra gripa.