Fréttir
Fyrsti vinningur í Lottó var seldur hjá N1 Gagnvegi
Einn heppinn Lottóspilari var með allar tölurnar réttar í Lottó sl. laugardag en þá var Lottópotturinn fjórfaldur. Lukkumiðinn var keyptur hjá N1 Gagnvegi og hlaut vinningshafinn 24 milljónir króna í sinn hlut.
Tveir skiptu með sér bónusvinningnum og fær hvor um sig 323 þúsund í vinning en annar þessara miða var keyptur á N1 Húsavík.
Mikil ánægja var meðal starfsfólks N1 Gagnvegi þegar í ljós kom að miðinn hafði verið seldur hjá þeim. Starfsfólkið á þjónustustöðinni við Gagnveg hélt upp á stóra vinninginn með því að gæða sér á köku í kaffitímanum í dag og fékk auk þess sendan stóran blómvönd með kveðjum úr höfuðstöðvum N1.
Á myndinni má sjá Ingunni Sveinsdóttur framkvæmdastjóra neytendasviðs ásamt Sæmundi Jóhannessyni stöðvarstjóra N1 Gagnvegi.
