N1 hf. er eitt stærsta verslunar- og þjónustufyrirtæki landsins. Með þjónustunet sem telur á annað hundrað afgreiðslustaði veitir félagið fólki og fyrirtækjum afburða þjónustu á sviði bílatengdrar starfsemi ásamt heildarlausnum í rekstrarvörum og eldsneyti til fyrirtækja.

Við viljum að viðskiptavinir sjái ávinning sinn í því að geta leyst flestöll sín mál hjá N1. Þannig spörum við fólki bæði tíma og fyrirhöfn – við erum alls staðar í leiðinni og þú gengur að öruggri, vandaðri og fjölbreyttri þjónustu. Við höfum vel staðsettar þjónustustöðvar og verslanir um land allt, rekum fyrsta flokks dekkja- og smurþjónustu og öfluga fyrirtækjaþjónustu. N1 er ábyrgur þjóðfélagsþegn – við leggjum áherslu á öryggismál og umhverfisvernd á öllum sviðum starfseminnar og erum meðvituð um að styrkja góð málefni.

N1 vinnur markvisst að því að efla og bæta þjónustu- og vöruframboðið og vera vakandi yfir tækifærum og nýjungum, bæði innanlands sem utan. N1 kappkostar að hafa ávallt á að skipa vel þjálfuðu og ánægðu starfsfólki. Fyrirtækið stendur framarlega í nýtingu nútíma tækni við vörustjórnun og rekur miðlæg vöruhús ásamt fjölda þjónustustaða víðsvegar um landið.

Hafir þú einhverjar nánari spurningar um N1 hf. þá vinsamlegast hafðu samband við okkur í síma 440 1000 eða á netfangið n1@n1.is.