Tímareimaskipti

Ef þú átt bíl sem er komin fram yfir á tímareimaskipti og reiminn fer, getur þú endað uppi með fleiri tugþúsunda króna viðgerðarreikning auk kostnaðar við að láta draga bílinn á verkstæði.

Margir bílaeigendur gera sér ekki grein fyrir því að ef tímareiminn slitnar getur viðgerðarkostnaðurinn orðið margfalt meiri en kostnaðurinn við að skipta um tímareim.

Slitin tímareim getur orsakað að stimpillinn rekist í ventlana og skekki þá. Af þessu hlýst í alvarlegur skaði og hugsanlega getur vélin eyðilagst.

Til þess að komast hjá því að bíllinn verði einhvers staðar stopp og standa svo uppi með mikinn viðgerðarkostnað, er mikilvægt að skipta um tímareim á réttum tíma.

Bílaframleiðendur mæla með að skipt sé um tímareim einhvers staðar frá 60.000 til 120.000 kílómetra fresti. Algengast er á um 100.000 kílómetra fresti.

Eigandahandbók bílsins segir til um hvort bíllinn þinn sé með tímareim og hvenær eigi að skipta um hana. Ef ekki, er hægt að spyrjast fyrir hjá umboðinu eða á næsta verkstæði.