SALEM SAMHOUD

SALEM SAMHOUD er hollenskur frumkvöðull sem nýtur ört vaxandi vinsælda sem alþjóðlegur fyrirlesari. Þessi athyglisverði ráðgjafi notar óvenjulegar aðferðir til að gefa fólki innblástur til nýrra afreka, bæði í starfi og einkalífi. Fyrirtæki hans, &Samhoud hefur vaxið hratt á undanförnum árum og rekur nú starfsstöðvar í Hollandi og á Spáni. Fyrirlestur Samhoud er hugsaður sem innlegg í mótun nýja og skýrari framtíðarsýn fyrir íslenska þjóð út frá verklagsaðferð sem hann hefur þróað og nefnir Vision21. Þess má geta að Samhoud hefur virkjað þúsundir Hollendinga til að taka þátt í mótun framtíðarsýnar fyrir Holland og vinna að ákveðnum markmiðum fyrir árið 2021.

Erindi Salem Samhoud heitir: How to Build a Vision for a Nation – and a Great Place to Work.