3. sæti - Mar Biotech

Rósant Birgisson

Mar BioTech – START09 BÍÓDÍSEL OG OMEGA FISKIOLÍA UNNIÐ ÚR SLÓGI Slóg er er stórkostlegt umhverfisvandamál hér á landi. Verulegur hluti þess hefur hafnað í sjónum aftur, er hakkað í ræsi vinnslustöðva eða er urðað á til þess gerðum stöðum með verulegum kostnaði fyrir eigendur fiskvinnslufyrirtækja. MBT hefur náð upp þeirri þekkingu að vinna lýsi úr slógi. Þetta lýsi er svo hægt að áframvinna í bíódísel eftir að búið er að kljúfa omega fitusýrur frá lýsinu. Vinnsla á bíódísel í verksmiðju MBT er enn á tilraunastigi, en nú þegar hafa þó verið gerðar prufurkeyrslur og þónokkrar bifreiðar nota þetta eldsneyti í dag með góðum árangri. Engin vandamál hafa komið við akstur bifreiðanna og vilja bílstjórarnir jafnvel meina að gangur sé mýkri, bíll hljóðlátari o.s.frv. Þá er ónefnt að útblástursmengun er margfallt minni en þegar um jarðeldsneyti er að ræða, sem telja verður eitt það jákvæðasta við notkun bíódísel.