Taktu frá 5. október!
"Ræðum hugmyndir" Jeff Taylor miðlar af þekkingu sinni á framkvæmd viðskiptahugmynda í Iðnó 5. október
Mánudaginn 5. október verður haldinn hugmyndafundur í Iðnó og úrslit í hugmyndasamkeppni Start09 kynnt. Jeff Taylor, stofnandi monster.com og fleiri fyrirtækja, mun stýra umræðum á fundinum með íslenska frumkvöðla sér til fulltingis. Höfundum nokkurra framúrskarandi hugmynda í samkeppninni Start09 verður boðið að kynna hugmyndir sínar stuttlega og leita ráða hjá Jeff og salnum. Að því loknu verða umræður um hugmyndirnar, framkvæmd viðskiptahugmynda almennt og skiptst á þekkingu um þetta spennandi viðfangsefni.
Jeff stýrði sams konar fundi í Harvard Business School í september þar sem hann, ásamt Chris Hughes, eins stofnanda Facebook, og Paul English stofnanda kayak.com ferðavefsíðunnar, leiðbeindi frumkvöðlum um hvernig eigi að breyta hugmyndum í tækifæri, fyrirtæki og blómleg viðskipti. Það er gríðarlegur fengur fyrir frumkvöðlasamfélagið að fá Jeff Taylor aftur til landsins og kjörið tækifæri fyrir þá sem sóttu Start09 í júní að fylgja þeirri upplifun eftir. Þeir fjölmörgu sem enn naga sig í handarbökin eftir að hafa misst af þeim fundi fá nú annað tækifæri!
Staður og stund: Iðnó, Vonarstræti 3 Rvk., mánudaginn 5. október milli kl. 16-18. Húsið opnar 15:30. Mikilvægt er að skrá sig með því að senda nafn tímanlega á skraning@n1.is.
Þátttakan er ókeypis!
