Ambassadorar Íslands
4 fyrirmyndarkvenfrumkvöðlar valdir
Við hjá Evrópumiðstöð funduðum með kollegum okkar í Enterprise Europe Network í Danmörku og Noregi, vegna verkefnisins EU Network of Female Entrepreneurship Ambassadors. Okkar markmið var að leggja drög að því að velja þá kvenfrumkvöðla sem gætu orðið fyrirmyndir annarra kvenna í þessum löndum varðandi stofnun og rekstur fyristækja. Sameiginlega áttum við að velja 19 Ambassadora, 3 frá Íslandi, 9 frá Danmörku og 7 frá Noregi. Lagt var upp með ákveðnar forsendur fyrir vali þeirra og var fremur leitað eftir konum sem stunduðu rekstur í "karllægu" rekstrarumhverfi eins og upplýsingatækni, byggingatækni og öðrum hátæknigreinum, svo eitthvað sé nefnt. Rekstur sem bæri þar að auki í sér sköpun starfa og stuðlaði þar með að auknum hagvexti. Það voru margar frábærar konur kallaðar en fáar útvaldar. Fyrsta verkefni þessara Ambassadora , ásamt völdum konum frá öðrum Evrópulöndum, er að vera viðstaddir opnun þessa verkefnis í Svíþjóð, 5. október næstkomandi. Verkefnið mun taka tvö ár og munu kvenfrumkvöðlarnir taka þátt í ráðstefnum og fundum í sínu heimalandi þar sem þeir segja frá stofnun fyrirtækja sinna og miðla reynslu af rekstri þeirra.
Það er okkur ánægja að tilkynna Ambassadora Íslands, þær Höllu Tómasdóttur og Kristínu Pétursdóttur frá Auði Capital, Svönu Helen Björnsdóttur frá Stika og Vilborgu Einarsdóttur frá Mentor
Við hlökkum mikið til að vinna með þessum frábæru konum og hefðum viljað bæta við nokkrum í viðbót. Nánari upplýsingar veitir Kristín Halldórsdóttir; kristinh@nmi.is
