TED á Íslandi
TED er árleg ráðstefna þar sem leiðandi hugsuðum og athafnamönnum í heiminum er boðið að deila eldmóði sínum með öðrum. „TED“ stendur fyrir „Technology, Entertainment and Design“ eða „tækni, skemmtun og hönnun“. Þessar þrjár meginstoðir eiga það sameiginlegt að móta framtíð okkar. Í raun er þessi viðburður enn víðtækari og segir frá því sem skiptir máli í hvaða grein sem er. Þeir sem sótt hafa ráðstefnuna hafa nefnt þetta „Bláa lónið fyrir heilann“ og „fjögurra daga ferð inn í framtíðina“. Fjölbreyttur og þverfaglegur hópur áhorfenda samanstendur af framkvæmdastjórum, vísindamönnum, listafólki og mannvinum. Hópurinn er nánast eins magnaður og þeir sem hafa haldið þar erindi, sem dæmi má nefna Bill Clinton, Bill Gates, Al Gore, Jane Goodall, Frank Gehry, Paul Simon, Sir Richard Branson, Philippe Starch og Bono. Einnig hafa tveir Íslendingar, Kári Stefánsson og Ólafur Elíasson, flutt glæsileg erindi á TED.
TED hefur nú fært út kvíarnar og býður upp á ráðstefnur undir nafninu TEDx.
TEDx er viðburður sem er skipulagður til þess að sameina fólk sem vill deila TED upplifuninni. Ráðstefnan hérlendis kallast TEDx Reykjavík þar sem x-ið stendur fyrir óháðan TED viðburð.
TEDx Reykjavík er eins dags ráðstefna þar sem Íslendingar úr öllum áttum eru fengnir að hvetja aðra Íslendinga. Á ráðstefnuna munu mæta nokkrir af flottustu og hvað mest hvetjandi fyrirlesarar landsins til að ræða m.a. hvað við Íslendingar getum gert til að horfa út fyrir kassann og byggja upp kröftugt samfélag. TED ráðstefnurnar (út um allan heim) hafa alveg sérstakan blæ yfir sér þar sem jákvæðnin er í fyrirrúmi og fyrirlestrarnir eru yfirleitt ætlaðir að vera mjög hvetjandi, auka sköpunargáfu og hressandi fyrir áhorfandann.
Ráðstefnan verður þann 6. október 2009 og ekkert mun kosta á viðburðinn.
TED ráðstefnan er fyrirmyndin að því hvernig TEDx eigi að fara fram en TEDx Reykjavík er skipulögð af Hugmyndaráðuneytinu.
Nánari upplýsingar eru að finna á
http://www.facebook.com/tedxreykjavik
