Skipaþjónusta N1 hefur fyrst og fremst gæði að leiðarljósi. Það á við um alla þætti starfsemi hennar, þ.e. á sviði eldsneytis og smurefna, afgreiðslu og ráðlegginga.

Þær eldsneytistegundir sem N1 selur til skipa og báta, eru framleiddar eftir ströngustu kröfum sem gerðar eru til slíks eldsneytis. Eftirlit með gæðum nær alla leið til viðskiptavinanna. Auk þess eru allir eldsneytisfarmar rannsakaðir sérstaklega af flokkunarfélagi sem gætir hagsmuna skipaeigenda.

ALLT FYRIR SKIPIN

Smurefni sem N1 selur til skipa og báta eru þekkt fyrir gæði. Þau eru sérsniðin að kröfum hvers og eins vélar- og tækisframleiðanda og þrautreynd áður en þau koma á markað. Með þeim fá viðskiptavinir aðgang að fullkomnum olíurannsóknarkerfum, sem fylgjast með smurefnunum í notkun. Rannsóknarniðurstöður veita notendum upplýsingar um ástand smurefnanna, vélbúnaðarins og hvort sérstakra úrbóta sé þörf. Þær nýtast því vel til fyrirbyggjandi viðhalds.

N1 hefur þéttriðið net afgreiðslustaða um allt land, þar sem viðskiptavinir geta gengið að góðri þjónustu vísri. Einnig annast N1 þjónustu við skip um allan heim gegnum alþjóða skipaþjónustu Exxon Mobil, þar sem lögð er áhersla á gæðaeldsneyti og -smurefni.

Allir viðskiptavinir skipaþjónustu N1, hafa aðgang að ráðleggingum um val smurefna og eldsneytis. Gerð eru smurkort fyrir öll skip og báta í samráði við framleiðendur vélbúnaðarins. Einnig fá þeir tæknilegar upplýsingar og aðstoð við lausn véltæknimála.

AFGREIÐSLUSTAÐIR