Til þess að tryggja viðskiptavinum N1 skilvirka og örugga þjónustu eru notaðir þjónustustaðlar vegna dreifingar á lituðu eldsneyti (vélaolíu) af olíubílum beint á vinnutæki og tanka

Meginreglan er sú að eldsneyti sem pantað er fyrir lokun skrifstofu er afgreitt daginn eftir (sjá skilgreiningu dreifingarsvæða). Með þessu næst að skipuleggja dreifinguna með rekstraröryggi viðskiptavina að leiðarljósi, þar sem birgðabílarnir geta fylgt fyrirfram ákveðinni dreifingaráætlun sem byggir á vörupöntunum frá viðskiptavinum frá deginum áður.

SVÆÐI I

Pantað fyrir lokun skrifstofu, afgreitt daginn eftir.

Svæði I – þéttbýlisstaðir innan bæjarmarka:
Reykjavík, Kópavogur, Hafnarfjörður, Seltjarnarnes, Garðabær, Akureyri, Reyðarfjörður, Egilsstaðir, Ísafjörður, Patreksfjörður, Ísafjörður, Blönduós, Sauðárkrókur, Siglufjörður, Húsavík, Raufarhöfn, Þórshöfn, Vopnafjörður, Seyðisfjörður, Neskaupstaður, Fáskrúðsfjörður, Stöðvarfjörður, Suðurnes, Suðurland að Vík, Borgarfjörður og norðanvert Snæfellsnes.

SVÆÐI II

Afgreitt a.m.k. einn dag í viku skv. áætlun, eða skv. nánara samkomulagi
Önnur svæði en nefnd eru.

PANTANIR

Tekið er við pöntunum fyrir litaða gasolíu á dreifingarskrifstofu Olíudreifingar ehf. í s: 550 9933 fyrir allt landið á milli 07:00 til kl. 22:00 virka daga.

Einnig er hægt að senda tölvupóst á pantanir@odr.is eða panta beint hjá þjónustuveri N1 í síma 440 1100 eða á n1@n1.is. Hægt er að festa pantanir á ákveðna daga fyrir ákveðin vinnusvæði, þannig að ekki þurfi að panta í hvert skipti.

Einnig er hægt að panta eldsneytið beint hjá birgðastöðvum og birgðabílum Olíudreifingar á landsbyggðinni á virkum dögum frá 08:00 til 17:00.

• Norðurland S: 461-4070 akureyri@odr.is 
• Austfirðir S: 474 1525 austurland@odr.is
• Sunnanverðir Vestfirðir S: 892 7793 
• Norðanverðir Vestfirðir  S: 456 5530 
• Höfn og Djúpivogur S: 893 9083 
• Vestmannaeyjar S: 897 0305 

Afgreiðslutími er frá 08:00 til 17:00 virka daga á höfuðborgarsvæðinu og á Reyðarfirði.

Komi fram ósk um flýtiafgreiðslu munum við leitast við að afgreiða með skemmri fyrirvara en fram kemur í ofangreindum skilmálum (þ.e. samdægurs), en þá gegn aukagjaldi, kr. 1.990 án vsk. per afgreiðslu.

Afgreiðslugjald utan þjónustutíma er kr. 9.990 án vsk.