N1 kortið er hægt að nota annars vegar sem afsláttarkort (þegar staðgreitt er) og hins vegar sem greiðslukort.
Ef N1 kortið er greiðslukort velur þú eftirfarandi greiðslumáta:
- Tengir við debetkort
- Tengir við kreditkort
- Velur að vera í mánaðarlegum reikningsviðskiptum við N1
Þeir N1 korthafar sem eru í mánaðarlegum reiknisviðskiptum við N1, fá greiðsluseðil sendan mánaðarlega í heimabankann sinn. N1 kortið er hægt að nota sem N1 frelsi en það virkar þannig að hægt er að fyrirfram greiða inn á N1 kortið. Greitt er inn á ákveðinn bankareikning og þá myndast inneign á N1 kortinu.
Notkun á N1 kortinu þegar það er afsláttarkort (þegar staðgreitt er)
N1 kortinu þarf að framvísa áður en greitt er. Þegar búið er að renna kortinu í gegn er hægt að greiða úttekina með peningum, debetkorti eða kreditkorti. Vinsamlega athugið að greiðsla með kreditkorti fellur í þessu tilviki einnig undir staðgreiðslu. Kortið er eingöngu hægt að nota inni á þjónustustöðvum en ekki úti á sjálfsölum.
Notkun á N1 kortinu þegar það er greiðslukort
Greitt er með N1 kortinu sem er þá tengt við debetkort eða kreditkort, eða ef korthafi er í mánaðarlegum viðskiptum við N1. Kortið er bæði hægt að nota inni á þjónustustöðvum og úti á sjálfsölum.
N1 kortið er auðvelt í notkun um allt land
- Á þjónustustöðvum
- Á hjólbarða- og smurverkstæðum
- Í verslunum
- Á sjálfsafgreiðslustöðvum
- Og hjá fjölda samstarfsaðila
N1 kortið fyrir einstaklinga og fyrirtæki
Allir einstaklingar sem náð hafa 16 ára aldri geta sótt um N1 kortið ef kortið er notað sem afsláttarkort (þegar staðgreitt er). Ef kortið er notað sem greiðslukort, eru heimildir takmarkaðar eftir aldri.
N1 kort fyrir fyrirtæki gefur betri yfirsýn yfir bókhaldið og framtalsgerð verður einfaldari. Hægt er að stjórna notkunarmöguleikum kortsins, allt eftir þörfum hvers og eins fyrirtækis. T.d. er hægt að skrá kortið á ákveðið bílnúmer eða á ákveðin einstakling innan fyrirtækisins. Hægt er að stjórna heimildum, t.d. sólarhringsheimildum og mánaðarlegum heimildum og einnig fyrir hvaða vöruflokka kortið gildir fyrir.
Ekkert árgjald er á N1 kortinu og binditími er enginn. Ekkert PIN númer er á N1 kortinu.
Mínar síður
Allir N1 korthafar hafa aðgang að mínum síðum en þar er hægt að fá upplýsingar um notkun kortsins ásamt upplýsingum um söfnun N1 punkta og notkun þeirra. Hægt er að loka N1 kortum á mínum síðum t.d. ef kort glatast.
