Ef bíllinn fer ekki í reglulegt viðhald geta smábilanir orðið að stærri bilunum með tilheyrandi kostnaði. Mikilvægt er að yfirfara bílinn áður veturinn gengur í garð. Hér fyrir neðan eru nokkrir punktar um það sem ætti að yfirfara fyrir veturinn.

DEKK
Eru vetrardekkin komin undir bílinn? Skoðið hjólastillingar og þrýsting á dekkjum. Athugið loftið á varadekkinu og fullvissið ykkur um að tjakkurinn sé á sínum stað.

VÉL
Vél sem er illa haldið við, getur verið erfitt að setja í gang á köldum dögum ef þær fara þá í gang yfirleitt. Það gæti orðið grófur gangur og missir á vélarafli. Látið athuga eldneytis- og kveikjukerfi og skipta um og stilla eftir þörfum.

RAFGEYMIR OG RAFKERFI
Ef rafgeymirinn er 3 ára eða eldri ætti að láta mæla hann og skipta um ef þess þarf. Jafnvel góðir rafgeymar missa um 65% af hleðslu í frosti. Til dæmis er rafgeymir, með fulla hleðslu í 25 stiga hita, aðeins með 40% hleðslu í 15 stiga frosti. Látið hreinsa og herða geymaskó, þar sem lausar eða tærðar tengingar gefa lélega eða enga hleðslu.

OLÍUR OG SÍUR
Skiptið um olíur og síur eins og mælt er með í eigendahandbók bílsins. Almennt er talað um að skipta þurfi um olíur og síur á 5.000 km fresti. Í veðrum eins og á Íslandi, þar sem skipt getur á milli hita og frosts frá degi til dags, er mikilvægt að vera með góða olíu þar sem álag á vélina er mikið.

ÞURRKUBLÖÐ
Skiptið út gömlum þurrkublöðum og fullvissið ykkur um að rúðupissið virki.

KÆLIKERFI
Skipta ætti um frostlög einu sinni á ári eða eins oft og mælt er með í eigendahandbók bílsins. Skolið kælikerfið á 2 ára fresti. Mælt er með að blandan sé 50/50 af vatni og frostlegi. Látið þrýstiprófa kerfið til að athuga leka og skoðið ástand kælihosa og viftureima.

LJÓSABÚNAÐUR
Athugið öll ljós og skiptið út ónýtum perum.

ÚBLÁSTURKERFI
Yfirfarið pústkerfið. Ef þið hafið möguleika á er best að fara með bílinn á lyftu og skoða undir hann. Það er lítið gaman að keyra hringinn og öll fjöskyldann situr með heyrnahlífar og ekki er hægt að spjalla saman vegna hávaða.