Fréttatilkynning 23. mars, 2012
Á stjórnarfundi N1 hf. í dag, 23. mars 2012, var samþykktur ársreikningur félagsins fyrir árið 2011.
Hagnaður fyrir afskriftir og fjármagnsliði nam 2.108 millj. kr. á árinu 2011 samanborið við tap árið áður að fjárhæð 3.240 millj. kr.
Í árslok 2011 var gjaldfærð virðisrýrnun á fasteignum félagsins að fjárhæð 1.988 millj. kr. og nam rekstrartap ársins að teknu tilliti til virðisrýrnunarinnar og afskrifta 700 millj. kr.
Fjárhagslegri endurskipulagningu félagsins lauk á fyrri hluta ársins 2011. Vegna fjárhagslegu endurskipulagningarinnar eru tekjufærðar 4.805 millj. kr. í rekstrarreikningi og er hagnaður ársins 4.536 millj. kr. að teknu tiliti til tekjuskattsáhrifa.
Hagnaður fyrir skatta af reglulegri starfsemi, án áhrifa fjárhagslegrar endurskipulagningar og virðisrýrnunar fasteigna, nam 1.590 millj. kr.
Veltufé frá rekstri á árinu 2011 nam 2.269 millj. kr. en var neikvætt um 2.728 millj. kr. árið áður.
Eigið fé félagsins nam 13.323 millj. kr. þann 31. desember 2011 sem svarar til 50,6% eiginfjárhlutfalls.
N1 hf. er í dag í eigu 64 hluthafa en þeir voru 2 í upphafi árs 2011. Stefnt er að skráningu hlutabréfa félagsins í Kauphöll innan tveggja ára.
Ársreikning ársins 2011 má nálgast á heimasíðu félagsins www.n1.is
Nánari upplýsingar veita Hermann Guðmundsson forstjóri og Eggert Þór Kristófersson framkvæmdastjóri fjármálasviðs í netföngum hermann@n1.is og eggert@n1.is
Hérna fyrir neðan má skoða ársreikning og 10 stærstu hlutahafa N1 hf.
10 stærstu hluthafar N1 (23.03.2012)
--------------------
Eldri upplýsingar
