Biodísel
Biodísel er lífrænt, endurnýjanlegt eldsneyti sem jafnan er unnið úr jurtaolíum, t.d. repjufræjum og sólblómum. Repja er fóðurrófa sem ræktuð er sem dýrafóður en repjuolía var algengt ljósmeti t.d. í Skandinavíu á 18. og 19. öld en vék síðan fyrir steinolíunni. Hráolía verður til í jarðlögum á milljónum ára. Góður repjuakur getur gefið af sér 1.200 lítra af lífrænni olíu á hektara sem myndi duga til að aka venjulegum fólksbíl 20.000 km.

Vandalaust er að nota hreint bíódísel á bíla en erlendis er það jafnan blandað í venjulega díselolíu og þannig er það einnig notað hérlendis (5% íblöndun). Með íblöndun er stuðlað að því að gera Biodísel samkeppnisfært í verði á eldsneytismarkaðinum en viðhalda samt jákvæðum eiginleikum eldsneytisins (vistvænt og aukin smurgeta).

Hægt er að nota biódísel á allar venjulegar díselvélar án þess að breyta þurfi þeim sérstaklega eða endurstilla þær á nokkurn hátt. Biodísel er ódýrasti endurnýjanlegi orkugjafinn fyrir bíla.

• Kostir Biodísel
  Biodísel mengar minna og smyr betur en venjuleg díselolía.
• Koltvísýringslosun minnkar verulega þegar bíódísel er notað í stað venjulegrar díselolíu (dönsk rannsókn).
• Biodísel myndar 94% minna af krabbameinsvaldandi efnum við bruna en venjuleg díselolía (bandarísk rannsókn). Notkun bíódísel dregur verulega úr rykmengun frá útblæstri. Brennsla 6% eldsneytisblöndu dregur til dæmis úr útblæstri fastefnisagna (particulates) um 20% (rannsóknir í Kanada, Þýskalandi og á Spáni).
• Smurgeta venjulegrar díselolíu eykst umtalsvert með einungis 1-2% íblöndun Biodísel en við 4% íblöndun eykst smurgetan um allt að þriðjung (rannsóknir í Bandaríkjunum, Kanada og Þýskalandi).

Sölustaðir Biodísel
Þjónustustöð N1 - Bíldshöfða í Reykjavík
Þjónustustöð N1 - Hringbraut í Reykjavík
Þjónustustöð N1 - Skógarseli í Reykjavík
Þjónustustöð N1 - Reykjavíkurvegi í Hafnarfirði

Metan
Metan CH4 er lofttegund sem m.a. myndast á urðunarstöðum sorps við niðurbrot á lífrænum úrgangi. Hérlendis er metangasi safnað saman á urðunarstað höfuðborgarsvæðisins í Álfsnesi.
Þegar metan brennur í súrefni verður til koldíoxíð og vatn. Bruna metans í vélum fylgja því tvíþættir kostir; annars vegar umbreytist það í skaðminna gas og hins vegar er ekki þörf á að brenna jarðefnaeldsneyti."
Hauggasið sem myndast á urðunarstaðnum er blanda af metani og koldíoxíði og örfáum öðrum lofttegundum. Á urðunarstaðnum í Álfsnesi er hlutfall metans um 55%, koldíoxíðs um 42% og aðrar lofttegundir er um um 3%.

Áfyllingastöð fyrir Metan
Þjónustustöð N1, Bíldshöfða 2, Reykjavík er með áfyllingastöð fyrir Metan.

Opnunartímar:
Mánudaga - föstudaga 7:00 - 23:30
Sunnudaga 9 - 23:30

Orkugildi
Eftirfarandi kennitölur hafa verið notaðar í öllum útreikningum vegna vinnslunnar í Álfsnesi.
Mælieining metans er í Nm3 þ.e normal rúmmetrar við andrúmslofts þrýsting.

1 Nm3 af hauggasi samsvarar:

• 0,57 Nm3 af hreinsuðu metani 97% hreinu
• 0,41 kg af hreinsuðu metani 97% hreinu
• 5,8 kWh af hráorku
• 1 Nm3 af hreinsuðu metani = 1,12 lítrar af bensíni
• Orkulegt bensínjafngildi 95 oktan