Meginhluti sorps frá þjónustustöðvum og verslunum er vöruumbúðir. Með því að endurnota eða endurnýta þennan hluta sorpsins vill N1 taka virkan þátt í að minnka sorp. Þeir flokkar sorps sem eru algengastir á þjónustustöðvum og verslunum eru pappír, pappi og plast auk spilliefna af flokki A (olíuefni), en í þeim flokki eru til dæmis brúsar, olíumengaður þerripappír/tuskur og fleira og spilliefni af flokki H (lífræn spilliefni án halogena eða brennisteins), en í þeim flokki eru til dæmis frostlögur og rúðuvökvi.
N1 vill stuðla að endurnotkun og endurnýtingu sorps með því að flokka sorp frá þeim þjónustustöðvum og verslunum sem N1 rekur.
Sorpflokkarnir eru:
- Pappír
- Pappi
- Gler og málmar
- Annar úrgangur
- Spilliefni
Minnkum magn umbúða
- N1 býður viðskiptavinum sínum þá þjónustu að geta keypt olíur, frostlög og rúðuvökva, umbúðalaust, af olíubar á nokkrum þjónustustöðvum og verslunum. Á þennan hátt geta viðskiptavinir N1 tekið þátt í að minnka magn umbúða og þar með sorp.
- N1 um land allt tekur á móti rafhlöðum og rafgeymum sem skilað er til viðurkenndra móttökuaðila.
- Allar tunnur sem N1 notar í sinni þjónustu, hvort heldur er á eigin olíubörum eða hjá viðskiptavinum, eru endurnotaðar.
- Sementsverksmiðjan á Akranesi endurnýtir alla olíu sem safnað er í olíusorageyma.
- N1 gerir könnun á því hvort og hvernig hægt er að endurnota eða endurnýta plastílát undan þeim spilliefnum sem notuð eru af starfsmönnum N1.
- Þvottastöðvar N1 nota eingöngu umhverfisvæn þvottaefni en ekki hefðbundna tjöruhreinsa sem innihalda „white spirit“. Yfir vetrartímann eru um 50 þúsund bílar þvegnir á þvottastöðvum N1. Við þvott með umhverfisvænu þvottaefni er notaður um það bil 1 lítri á hvern bíl í stað 2 lítra af tjöruhreinsi með „white spirit“ þegar þvegið er á hefðbundinn hátt.
- Á aðalskrifstofu N1 flokka starfsmenn sorp í flokkana: gæðapappír, dagblöð & tímarit og annan úrgang. Í eldhúsi mötuneytis eru drykkjarfernur flokkaðar sér. Einnig var notkun plastmála hætt árið 2008.
- N1 leggur höfuðáherslu á að tryggja að fyllsta öryggis sé ávallt gætt sérstaklega í þeim þáttum starfseminnar sem snúa að skaðlegum og umhverfisspillandi efnum.
