Metan
Metan
Íslenskt, vistvænt og öruggt eldsneyti
Metan CH4 er lofttegund sem m.a. myndast á urðunarstöðum sorps við niðurbrot á lífrænum úrgangi. Hérlendis er metangasi safnað saman á urðunarstað höfuðborgarsvæðisins í Álfsnesi.
Hvert gramm af metani sem berst upp í andrúmsloftið hefur 21 sinnum meiri gróðurhúsaáhrif heldur en gramm af koldíoxíði.
Þegar metan brennur í súrefni verður til koldíoxíð og vatn. Bruna metans í vélum fylgja því tvíþættir kostir; annars vegar umbreytist það í skaðminna gas og hins vegar er ekki þörf á að brenna jarðefnaeldsneyti."
Hauggasið sem myndast á urðunarstaðnum er blanda af metani og koldíoxíði og örfáum öðrum lofttegundum. Á urðunarstaðnum í Álfsnesi er hlutfall metans um 55%, koldíoxíðs um 42% og aðrar lofttegundir er um um 3%.
Áfyllingastöð fyrir Metan
Þjónustustöð N1, Bíldshöfða 2, Reykjavík er með áfyllingastöð fyrir Metan.
Opnunartímar:
Mánudaga - föstudaga 7:00 - 23:30
Sunnudaga 9 - 23:30
Verð metans á bíla er 114 kr. / Nm3 (m/vsk).
Upplýsingar um Metan (PDF)
Orkugildi
Eftirfarandi kennitölur hafa verið notaðar í öllum útreikningum vegna vinnslunnar í Álfsnesi.
Mælieining metans er í Nm3 þ.e normal rúmmetrar við andrúmslofts þrýsting.
1 Nm3 af hauggasi samsvarar:
0,57 Nm3 af hreinsuðu metani 97% hreinu
0,41 kg af hreinsuðu metani 97% hreinu
5,8 kWh af hráorku
1 Nm3 af hreinsuðu metani = 1,12 lítrar af bensíni
Orkulegt bensínjafngildi 95 oktan
