Skiptu snemma um gír og keyrðu í hæsta mögulega gír

• Keyrðu einungis eina til tvær bíllengdir í 1.gír áður en þú skiptir í 2.gír.
• Skiptu frá 2.gír í 4.gír og úr 3.gír í 5.gír.
• Auktu hraðann á um það bil hálfri gjöf.
• Aktu í eins háum gír og hægt er.
• Flestir bílar þola að keyrt sé í 5.gír á 50 km hraða á sléttum vegi.
• Á mörgum bílum er hægt að skipta beint úr 2.gír í 5.gír ef ekið er niður í móti.

Því hærri sem gírinn er því minna eldsneyti notar bíllinn. Í hraðaauknigu þarf eldsneyti og því er mikilvægt að komast sem fyrst upp á ferðahraða og í háan gír.

Keyrðu á jöfnum hraða og virtu hraðatakmarkanir

• Haltu eldsneytisgjöfinni eins jafnri og kostur er, það er auðveldara ef þú hefur gott bil í næsta bíl. Virðið hraðatakmarkanir.
• Með því að halda gjöfinni jafnri sparar þú eldsneyti, að skipta um hraða kostar meira.
• Því hraðar sem þú ekur, því meiri verður aukningin á eyðslunni ef þú gefur meira í.
• Eyðslan eykst um 20% ef farið er úr 90 km/klst í 110 km/klst.
• Því meiri sem hraði, því meiri eyðsla, þó þú haldir jöfnum hraða.
• Meiri hraði hefur einnig í för með sér aukið slit á dekkjum og að hávaðamengun eykst.
  

Horfðu fram á veginn- losnaðu við að stoppa

• Horfðu fram á veginn svo þú losnir við að þurfa að bremsa eða stoppa.
• Hafðu gott bil í næsta bíl á undan. Láttu bílinn renna að gatnamótum eða umferðaljósum. Skipuleggðu akstursleiðir til að losna við umferðateppur og þétta umferð.
• Ef þú villt spara eldsneyti er mikilvægt að þú stoppir eins sjaldan og möguleiki er og að halda eins jöfnum hraða hægt er.
• Reyndu að horfa eins langt fram á veginn og hægt er.
• Hægðu á þér í tíma þegar þú nálgast gatnamót þar sem standa bílar, þú gætir losnað við að þurfa að stoppa.
• Stilltu hraðann við aðra umferð þegar þú nálgast hringtorg, þá gætir þú losnað við að stoppa.
• Stilltu hraðann fyrir umferðaljós svo þú losnir við að stoppa.
• Notaðu mótorinn við að hægja á þér fyrir gatnamót

Þú getur hagnast vel á að skipuleggja akstursleiðir og tímasettningar. Ekki velja leið með mörgum stoppum. Veldu frekar lengri leið með færri stoppum. Reyndu ef hægt er að losna við umferð á álagstímum.

Bremsaðu með vélinni

• Með því að vélarbremsa spara þú eldsneyti vegna þess, að það stoppar eldsneytisflæðið.
• Notið vélina til að hægja ferðina í staðinn fyrir bremsuna, eins og kostur er.
• Sleppið gjöfinni í tíma og gefið ekkert inn, skiptið í lægri gír um leið og snúningurinn hefur minnkað um 1200 – 1300 sn/mín.
• Endurtakið þar til bifreiðin er stöðvuð.
• Þegar þú sleppir gjöfinni minnkar vélahljóðið, og sú tilfinning að hlutirnir gangi hægt fyrir sig læðist að, þá er gott að kíkja á hraðamælinn og vita á hvaða hraða þú ert.
• Ef þú byrjar að vélarbremsa snemma getur þú sleppt því að nota bremsurna.
• Það að nota alltaf bremsuna, er sóun á orku.

Þegar þú sleppir gjöfinni og snúningshraðinn er meiri en 1500 – 1600 sn/mín flæðir ekkert eldsneyti inn á vélina. Þegar snúningarnir eru orðnir 1200 – 1300 sn/mín byrjar vélin aftur að eyða eldsneyti. Því ætti að skipta niður um gír áður en vélin nær þessum snúningi og halda þannig áfram að loka fyrir eldsneytisflæðið.

Láttu bílinn ekki ganga hægaganginn

• Byrjaðu á því að skafa rúður ef þess þarf áður en þú ræsir bílinn.
• Bakkar bílnum í stæði þá kemstu hraðar af stað og sparar eldsneyti þegar bíllinn er kaldur.

Útblásturinn er eitraðastur fyrstu mínúturnar eftir að bíllinn er ræstur, því ætti að komast hjá hægagangi, sérstaklega þegar kalt er. Ef þú af einhverjum ástæðum þarft að láta bílinn ganga, gakktu þá úr skugga um að engin börn séu nálægt, þau eru viðkvæmari fyrir menguninni og eru þar að auki lægri og því nær útblæstrinum.

Látið bílinn rúlla niður brekku og haldið jafnri gjöf upp brekku

• Látið bílinn rúlla án gjafar niður brekkur
• Reynið að ná upp hraða áður en ekið er upp brekku svo hægt sé að vera í hærri gír.
• Aukið ekki gjöfina á leiðinni upp.

Munið að sleppa alveg, þá hættir vélin að eyða eldsneyti. Ef brekka upp í móti er í beinu framhaldi af brekku niður í móti, reynið þá að nýta hraðaaukninguna sem næst niður brekkuna. Ef þú ert á góðum hraða þegar þú byrjar að fara upp brekkuna þá geturðu ekið í hærri gír og sparað eldsneyti. Aukið ekki hraðann þegar ekið er upp í móti, þá sparast mest.

Notið vélarhitara til að hita bílinn þegar kalt er
Settu bílinn í samband við vélarhitara í 1½ klst. ef hitastigið er undir -15°, í 1 klst. ef hitastigið er undir 0°, og 20 mínútur ef hitinn er undir +10°. Notið gjarnan tímastilli.

Við hverja ræsingu á kaldri vél eyðist meira eldsneyti og útblástur eykst. Með því að nota vélarhitara sparast allt að 1 dl eldsneyti í hverri ræsingu. Útblásturinn minnkar um 50 – 80% á hverja 6 km, ef þú notar vélarhitara. Lengri tími í sambandi við vélarhitarann en uppgefinn er að framan, er sóun á orku.

Athugið loftþrýsting í dekkjum

Athugið loftþrýsting í dekkjum að minnsta kosti annað hvert skipti sem tekið er eldsneyti á bílinn.
Pumpið gjarnan 10-15% meira í dekkin en handbókin segir til um, það minnkar viðnám án þess að auka hættu í umferðinni.
Réttur loftþrýstingur getur minnkað eldsneytis notkun um 5%, að auki endast dekkin betur og aksturseiginleikar bílsins batna.

Smyrjið bílinn reglulega

• Smyrjið eftir leiðbeiningum í handbók bílsins.
• Skiptið um olíur og síur eins og segir til um í handbókinni.
• Gömul og stífluð loftsía getur haft í för með sér aukna eldsneytiseyðslu.
• Ef ekið er á malarvegum að staðaldri skal skipta oftar um síur.
• Haldið vélinni hreinni.

Fjarlægið farangursbox og toppgrindur þegar þeirra er ekki þörf

• Ef ekið er með slíkt eykst loftmótstaða og eldsneytis eyðsla eykst um meira en 1dl á 10 km.
• Því þyngri sem bíllinn er því meira eyðir hann og því er gott að taka allan óþarfa farangur úr honum.