ISO 14001 staðallinn nær yfir stefnumótun, markmiðasetningu, framkvæmd og eftirlit þeirra umhverfisþátta sem fyrirtæki geta stýrt eða haft áhrif á. Þess má geta að hann er einn útbreiddasti staðallinn á þessu sviði og er gefinn út af Alþjóðlegu staðlasamtökunum (ISO).

Í staðlinum er meðal annars gerð krafa um að til séu virkar verklagsreglur, að skráningar og vistun upplýsinga sé fullnægjandi. Að öðrum kosti er ekki hægt að sýna fram á að fyrirtækið uppfylli allar kröfur staðalsins.

Fyrirtæki vítt og breitt um heiminn hafa tileinkað sér ISO 14001 staðalinn og sett sér meðal annars markmið um úrbætur í umhverfismálum, hvernig þau ætla að ná þeim innan ákveðins tímaramma.