N1 hf. er eitt stærsta verslunar- og þjónustufyrirtæki landsins.

Þjónustunet N1 telur á annað hundrað afgreiðslustaði um allt land. Félagið veitir fólki og fyrirtækjum afburða þjónustu á sviði bílatengdrar starfsemi ásamt heildarlausnum í rekstrarvörum og eldsneyti til fyrirtækja. Starfsmenn félagsins eru tæplega 900 og starfa þeir í hinum ýmsu störfum út um allt land.
 
Starfsmannafélag N1 er mjög öflugt. Það stendur fyrir ýmsum uppákomum og á sumarbústaði meðal annars á Laugarvatni og Bifröst og íbúðir á Akureyri og í Kaupmannahöfn. Starfsmenn geta leigt bústaðina og íbúðirnar á lágu verði.

Stjórnendur N1 eru meðvitaðir um þá staðreynd að starfsfólkið er grunnurinn að velgengni félagsins og mikilvægt sé að byggja upp öfluga liðsheild þar sem reynsla, þekking og hæfni fara saman. Hafir þú áhuga á að styrkja liðsheildina og starfa í lifandi og skemmtilegu umhverfi þar sem allir leggjast á eitt að veita framúrskarandi þjónustu þá er þér velkomið að senda inn almenna umsókn eða sækja um laus störf þegar þau eru í boði.

MEÐFERÐ UMSÓKNA
Farið er með allar umsóknir sem trúnaðarmál. Umsóknir eru geymdar í sex mánuði. Þá falla þær úr gildi nema óskað hafi verið eftir framlengingu umsóknar.
Móttaka umsóknar er staðfest með tölvupósti. Ef fyrirsjáanlegt er að hæfni umsækjanda og reynsla muni nýtast N1 í lausar stöður, mun verða haft samband við umsækjanda. Lágmarksaldur umsækjenda er 18 ár.

Ef frekari upplýsinga er óskað vinsamlega hafið samband við mannauðssvið N1 í síma: 440 1000 eða senda tölvupóst á atvinna@n1.is

Smelltu hér til að sjá ábendingar við gerð ferilskrár
Smelltu hér til að sjá ábendingar um atvinnuviðtöl