Athuga fyrir sumarið
Athuga fyrir sumarið
Ef bíllinn fer ekki í reglulegt viðhald geta smábilanir orðið að stærri bilunum með tilheyrandi kostnaði og sumarfríið er ónýtt. Mikilvægt er að yfirfara bílinn áður en lagt er af stað í ferð um landið. Hér fyrir neðan eru nokkrir punktar um það sem ætti að yfirfara fyrir sumarfríið.
Ef rafgeymirinn er 3 ára eða eldri ætti að láta mæla hann og skipta um ef þess þarf. Jafnvel góðir rafgeymar missa um 65% af hleðslu í frosti. Til dæmis er rafgeymir, með fulla hleðslu í 25 stiga hita, aðeins með 40% hleðslu í 15 stiga frosti. Hreinsið og herðið geymaskó, þar sem lausar eða tærðar tengingar gefa lélega eða enga hleðslu.
Olíur og síur
Skiptið um olíur og síur eins og mælt er með í eigendahandbók bílsins. Almennt er talað um að skipta þurfi um olíur og síur á 5.000 km fresti. Í veðrum eins og á Íslandi, þar sem skipt getur á milli hita og frosts frá degi til dags, er mikilvægt að vera með góða olíu þar sem álag á vélina er mikið.
Þurrkublöð
Skiptið út gömlum þurrkublöðum og fullvissið ykkur um að nægur rúðuvökvi sé á bílnum og það virki.
Kælikerfi
Skipta ætti um frostlög einu sinni á ári eða eins oft og mælt er með í eigendahandbók bílsins. Skolið kælikerfið á 2 ára fresti. Mælt er með að blandan sé 50/50 af vatni og frostlegi. Látið þrýstiprófa kerfið til að athuga leka og skoðið ástand kælihosa og viftureima.
Dekk
Skoðið hjólastillingar og þrýsting á dekkjum. Athugið loftið á varadekkinu og fullvissið ykkur um að tjakkurinn sé á sínum stað.
Ljósabúnaður
Athugið öll ljós og skiptið út ónýtum perum.
Útblásturskerfi
Yfirfarið pústkerfið. Ef þið hafið möguleika á er best að fara með bílinn á lyftu og skoða undir hann. Það er lítið gaman að keyra hringinn og öll fjöskyldann situr með heyrnahlífar og ekki er hægt að spjalla saman vegna hávaða.
Góða ferð í fríið og aktu varlega.
